如果，今日要PND揀一間最有意思嘅Cafe，唔使問，一定係佢：媽媽奮鬥嘅故事。PND俾錢埋單時候好奇地問，露台會種咩花？老闆娘就介紹，「Zi」原來代表兒子，佢嘅小朋友；「只」則代表佢地隻貓貓(倒轉睇)，一家人一齊努力做一件事，感覺非常warm。
原來呢度只係開咗兩星期，前身係PND一直未去嘅XD⋯，小店有大約二十幾個座位，裝修色調柔和舒服，食物以西式為主，雖然係試業期間，潮友記得要俾少少耐性等待，趕時間或好餓就遲啲再去啦☺️不過而家餐牌選擇都唔少，All Day Breakfast、pasta、甜品都有，未來將會向日式和風進發！加油！ 《松露炒蛋配沙拉.多士》$52 水牛芝士煙韌，蛋炒得幾滑。《野菌.黑松露汁.闊條麵》$68配湯、麵包、甜點、飲品+$32，野菌煮得啱啱好，爽脆多汁，黑松露白汁味道好香，杰身而creamy，襯有咬口嘅闊條麵，好好味！☺️忌廉磨菇湯湯底味道濃郁；甜點嘅yogurt還好！
跟餐嘅飲品叫咗《玫瑰花茶》(原價$60)同《泡沫鮮奶抹茶》(原價$46)，抹茶粉好重手，偏濃郁，奶泡打得幾綿滑！ 如果研究更靚嘅拉花應該會更完美？ 「呢度會唔會有自家製蛋糕？」毫不猶豫問店員(原來係老闆)佢話「可以即製，不過你要俾啲耐性等」 邊食邊等咗九個字嘅自家製抹茶蛋糕，抹茶香味濃郁，入口外層微脆，裡面鬆軟，麵粉香重。好似係老闆嘅第一次製作，自家製嘅味道，幾時都會加分。
只 Zi
電話：23251115
星期一至日：12:30-20:30 （試業期間，營業時間可能會更改，去前可以打去問一問）
#PND尖沙咀 #PND甜品 #PND西式 #PND抹茶逐間捉
@尖沙咀加連威老道66-76號威華大廈4樓402室
Search